今日係Animelo Summer Live 2009開始一般公開售票的日子，嘍囉和Yiu兵分兩路，各自負責在Lawson Ticket購買第一日和第二日的門票。在準備的時候發現濱崎步演唱會同樣係今日起公開售票，預期售票網站可能會非常繁忙。不出所料，到開始的時間嘍囉不能進入售票網站，嘗試左幾分鐘先至可以買到飛，結果要坐山頂。另一方面，Yiu的行動非順利，可謂一click即中，一開始就完成購票程序，買到第十幾行的座位。

今年Animelo Summer Live演唱會在8月22及23日舉行，兩日的演出歌手各有不同，會場是位於琦玉的Saitama Super Arena，最多可容納37,000觀眾，而今次演唱會只開放三面看台，總共提供25,000個座位，全場劃一票價，所以越早買飛位置越好，嘍囉只係慢左幾分鐘，咁就升左上山頂。不過嘍囉都只係志在去親身體驗一下這個每年一度，日本最大型的動畫音樂演唱會，能夠買到飛已經十分心滿意足。

因為已經確定買到演唱會飛，東京攻略2009作戰正式展開，除左睇演唱會之外，另一作戰目標係去台場偵察聯邦軍的最新型機動兵器，全個行程計劃有5日4夜，為左爭取更多的旅遊時間，會試下搭羽田通宵機，希望副老骨頭頂得住啦。